Letras para todo o sempre

  Eduardo Fra Molinero é un avezado narrador, como levamos comprobado de hai tempo. La caverna de Platón (2021), unha excelente viaxe iniciática pola Europa libre, durante o franquismo, foi a súa última novela. Velaquí agora Las cartas de sor Argimira, simpática e entretida novela chea de connotacións ferrolás. No meu #termardoleme do suplemento #Nordesía do #diariodeferrol do domingo 11 de xuño.

  No pasado 17 de maio, Pontedeume foi unha festa. Celebrábase o 650 aniversario da tradución ao galego da Crónica troiana . Un cortexo cívico-literario percorreu as rúas e diversas personalidades da nosa cultura falaron, recitaron, etc. en homenaxe aos e ás ilustres ligad@s dalgún xeito coa vila. Diso trata o meu #termardoleme do suplemento #Nordesía do #diariodeferrol do domingo 28 de maio.

Que son parcial por Canido resulta obvio. Ténselle lei ao lugar onde un naceu e se criou. Aquí vos deixo cunha visión, a miña, sobre o barrio. Memorias, anécdotas, historia e curiosidades de antano. Diso vai o meu #termardoleme do suplemento #Nordesía do #diariodeferrol de domingo 14 de maio.

  A revolución incruenta e, talvez, a última de carácter romántico do séc. XX. Impresións, recordos, anécdotas, feitos... dese 25 de abril de 1974. De todo iso falo no meu #termardoleme do suplemento #Nordesía do #diariodeferrol do domingo 30 de abril.

  Ramón Nicolás Rodríguez aborda magnificamente a vida e obra de #FernándezdelRiego neste seu libro editado por #Xerais . Honrar a memoria de don Paco e ser Ramón Nicolás quen sirva de guía é todo un. No meu #termardoleme do suplemento #Nordesía do #diariodeferrol do domingo 16 de abril.

http://www.crtvg.es/tvg/a-carta/veci-s-7-6047475 <<Esta semana 'Veciñ@s' visita o barrio de Canido, en Ferrol, e vai ata Coia en Vigo. No primeiro, coñeceremos os amigos da 'esquina de Canido': un grupo de veciños que hai 40 anos xogaban xuntos nas rúas e aínda hoxe son coma irmáns. Tamén descubriremos que as xubiladas de Coia só necesitan tomar un café coas amigas para montar unha boa troula de música e risas.>>

  As múltiples vidas dunha camisola, após convertida en nobelo, foi o asunto central que nos conduciu o Erasmus+ Upcycling Lives até Polonia. O IES Canido Ferrol e o de Catabois e centros escolares de Croacia, Grecia, Turquía, Portugal e Polonia traballamos así no proxecto común intercambiando experiencias. Aquí vos deixo o meu #termardoleme do suplemento #Nordesía do #diariodeferrol do domingo 2 de abril.