Saltar ao contido principal

Publicacións

Mostrando publicacións desta data: Xullo, 2014

A fronteira en Saramago

Autor ben querido, sobre José Saramago non habemos de facer cuestión acerca da calidade literaria que a súa obra atesoura. O lector escollerá a súa preferencia, sen lugar a dúbidas, pois a produción é o suficientemente vasta como para ter onde facelo. Quer o Memorial do convento , quer a História do cerco de Lisboa , quer A jangada de pedra , quer A caverna , quer O ano da morte de Ricardo Reis , quer O envangelho segundo Jesus Cristo... todas as súas novelas fan parte do universo totalizador en que o alentexano nos quixo inmiscir para reflexionar sobre as virtudes, pero tamén sobre os enormes defectos do ser humano. Porque, ante todo, Saramago era (ségueo a ser) un filósofo e un humanista. A Saramago dóelle o home en toda a súa magnitude. Onte Xavier Alcalá, na súa colaboración 'A voo de tecla' ( http://www.lavozdegalicia.es/noticia/opinion/2014/07/22/portunol-saramago/0003_201407G22P19997.htm ) de La Voz de Galicia, incidía sobre un aspecto puramente formal, sociolingüístic

Feiras do libro: Ribadeo

Seguimos a ter boas noticias das feiras do libro. Entrada ao xardín do saber , que xa fora acollida cun grande interese na que foi celebrada na cidade de Ourense, obtivo unha óptima repercusión, tanto na feira de Ferrol como na posterior de Narón. Onte, 19 de xullo, tivemos ocasión de asinar exemplares na bonita localidade de Ribadeo. Hoxe remata. Mais o balance até o sábado é do máis positivo. O asunto de Hildegart/Aurora Rodríguez Carballeira, aderezado co elemento dun Vicente Risco axexado por un mar de sombras, parece que garda interese para o lector. Agardamos que non decaia, pois veñen aí as seguintes feiras para o mes de agosto: A Coruña, Viveiro e Monforte.  

Hildegart e Risco no Diario Cultural.

O pasado 16 de xullo tivemos ocasión de ser entrevistados para o Diario Cultural da Radio Galega. O motivo, a nosa última novela, "Entrada ao xardín do saber". Ás boas críticas colleitadas até o momento, como as de Vicente Araguas e Ramón Nicolás, debemos agora acrecentar a xenerosa reportaxe feita por Ana Romaní. O resultado do programa xulgámolo do máis satisfactorio, tanto polo tipo de cuestións con que foi levando a entrevista como pola delicada música coa que foi enmarcada. Agradecidos, pois, a Ana Romaní, directora do programa, así como ao resto do equipo polo seu eficiente labor. Velaquí o podcast:  http://www.crtvg.es/rg/podcast/diario-cultural-diario-cultural-do-dia-16-07-2014-853641#

Día feliz: 100 artigos

Un, que cada vez máis tende a ser desmemoriado, si se lembra polo momento de cando comezou a colaborar para o Diario de Ferrol. O amigo Nicolás Vidal, sendo naquela altura Germán Castro o director do xornal, propuxérame a posibilidade de participar no suplemento Nordesía, o cal continúa a publicarse aos domingos. Cunha pouca de cohibición e medo de non se saber axustar un ao espazo marcado, arrancamos o 16 de maio de 2004 co artigo “As Letras en Ferrol: un signo de normalidade”. A estrea, como cabía esperar, gardaba o non pequeno problema antes aludido. A extensión do escrito excedía o estipulado, de aí a necesidade de facer un segundo artigo para o outro domingo, o cal titulamos “As Letras en Ferrol: breves notas”. O caso é que esta colaboración durou para o Nordesía até o 2 de xaneiro de 2011 en que nos despediamos con  “Clubs de lectura e outros ocios”. Cincuenta foron os artigos escritos para a columna 'Enfiando'. Cincuenta artigos en que foron abordados temas de literatura

Columba, Revista Cultural

A Sociedade Cultural Columba nace en 1997 na parroquia de Covas, San Martiño de, do concello de Ferrol. Sería esta o resultado doutras asociacións precedentes. O ámbito de emprendemento ten que ver coa cultura no seu sentido máis lato, de maneira que se abre a todo tipo de iniciativas que abranxan nalgún aspecto  <<o estudo e investigación histórica da zona, así como a protección e restauración do patrimonio cultural existente>>, tal e como reza nos seus estatutos e no inicio da páxina web:  http://www.sociedadecolumba.com/columba.php .                                                                                                   ermida de Santa Comba praia de Sta. Comba e restos dun antigo naufraxio De ben nacidos é ser agradecidos, dinos o refrán, e ben certo é que o estamos. Desde o número 3 da revista levamos colaborando nela case sen interrupción. Unha boa parte dos nosos artigos versan sobre toponimia, mais tamén sobre antroponimia, sobre literatu

En Redelibros, Entrada ao xardín do saber

Xa van alá unha porrada de anos desde a nosa primeira novela. Estreabámonos en 1993 con  Mar para todo o sempre , premio Carvalho Calero. Seguiríanlle a esta  Os desherdados , en 2006, e  O prezo da tentación , en 2008. Nunha certa medida, e tanto pola pouca dimensión e expansión do citado premio, así como o feito de logo ter publicado en Edicións Embora os posteriores títulos, a Ponte das Pías, máis que enlazar coa outra banda da ría, parece que nos ten impedido a conexión con ela e, consecuentemente, co resto de Galiza. Ben sabían disto os traballadores da vella ASTANO. Cortaren ao pé da ponte e na vía do tren e conseguiren o illamento da nosa "amadodiada" cidade, de Ferrol. Tal semella, nun certo sentido, o que a nós nos leva pasado desde hai moito tempo. A nosa cuarta aposta narrativa longa muda, pois, de rumbo. A empresa arríscase agora a unha distribución do produto ben distinta. Nace con renovados folgos e ánimo de achar mellor acomodo e diversidade, cando menos xeo