Letras para todo o sempre

Navegando en barcas de pedra" (IES Catabois-Ferrol) http://tv.uvigo.es/gl/video/mm/3594.html   Con máis ilusión que medios, no curso 2003-2004 comezaba a súa emisión CataboisRadio , a emisora escolar do IES Catabois de Ferrol. Dúas arrichadas alumnas de 4º curso da ESO, saltaban ás ondas —unha maneira de falar, pois a nosa radio era só un circuíto electrónico fechado que emitía para o centro—, con algún programa de entrevistas. Recordamos, así, a feita ao cantante Leo, coñecido nos medios musicais por Leo e Arremecághona, e que foi a primeira emitida, e á que seguirían xa despois moitas máis e toda unha grella de programación diaria concibida para os dous recreos.    No curso 2005-2006 tivemos ocasión de participar por vez primeira na xornada multimedia de "Ponte nas Ondas...!", cuxa achega fixemos na edición 12ª, e que titulamos 'Ponte na crista da onda'. No ano 2007 sería 'Unha viaxe en globo por Ferrol'; en 2008 'A p...

Dentro do proxecto Comenius, e so o título  'IWEY: If I Were You' ('Se eu fose ti') ou, o que é o mesmo, 'Se eu me puxese no teu lugar', foi no que traballou o noso instituto durante os cursos 2011-2012 e 2012-2013. Centros participantes de Turquía, Italia (Sicilia), Romanía, Lituania e o noso, o IES de Catabois, fixemos posíbel esta encomenda que respondía a un traballo sobre o tema da empatía .   O voo da avelaíña , versión teatralizada, convertida en guión cinematográfico, foi a que o noso centro presentou no curso 2012-2013 e se levou a Lituania. O vídeo, baseada no relato curto homónimo da autoría de quen lles escribe, e pertencente ao libro Unha mada de doce relatos , pretende recoller o choque xeracional que existe entre netos e avoa, á parte da malcrianza dos primeiros, e o modo en que a velliña é capaz de facer bon deles a través do simple voo dunha avelaíña que á nena lle produce noxo, detonante da trama. A empatía que finalmente xorde entre el...