Letras para todo o sempre

http://www.diariodeferrol.com/opinion/henrique-dacosta/valdeorras-aderezada-versos-delgado-gurriaran/20180124233348214315.html Eis unha breve lectura sobre a comarca valdeorresa, terra interesante, intensa e non exenta de saudades para min. O poeta de Córgomo (Vilamartín de Valdeorras), Florencio Delgado Gurriarán, foi o seu fío condutor e indutor tamén. Esta é a miña pequena homenaxe. 

http://www.diariodeferrol.com/opinion/henrique-dacosta/andar-as-crebas/20180110231959213022.html Man de Camelle con madeira das crebas No meu artigo bisemanal para o Diario de Ferrol, de 11 de xaneiro, quixen escribir acerca dun par de actividades curiosas, estrañas mesmo, relacionadas co mundo do mar. Magnificamente descrito libro de Fernández Naval por Francisco Fernández Naval no seu libro "As crebas. Outro xeito de andar ao mar", falo acerca desta curiosa faena de litoral que, na miña aldea, meu avó desempeñaba como tantos outros e chamáballe “pasear a praia”; mais que xorde tamén referida na literatura, no cinema, etc. Analogamente, falo tamén no artigo acerca dos “raqueiros”, piratas de terra que facían embarrancar navíos a fin de saquealos. filme de A. Hitchcock, "Jamaica Inn"

http://www.diariodeferrol.com/opinion/henrique-dacosta/hoxe-e-dia-de-enganos/20171227233146211772.html Hoxe é 28 de decembro. Seica en Hispanoamérica existía a tradición de enganar as persoas pedindo un préstamo aos amigos que, caso de morderen no anzol, ficarían sen nada se non se percibiren do sarillo. Cousas que ten a "lexislación" destes días lúdicos en que a brincadeira ocupa (ou ocupaba) o espazo central.   Acerca disto e doutros días semellantes é que falo no artigo de hoxe no Diario de Ferrol. As bromas ou mentiras poden ser máis ou menos piadosas e até hai quen as gaste de maneira demasiado pesada. Ora ben, en tales días, quen cae na celada, ten o deber de apandar co que lle veña encima, pois o costume vén ditaminado dese xeito.      

http://www.diariodeferrol.com/opinion/henrique-dacosta/cazadores-miga-da-nosa-historia/20171213235232210936.html No artigo para o Diario de Ferrol do día 14 de decembro quixen facer un pequeno esbozo sobre a historia do querido mesón-museo "Cazadores" da nosa cidade (Ferrol). Teño para min, gardo esa Os poetas Oroza e Karlotty estraña sensación de que aínda nunca se lle fixo xustiza, de que talvez o teñamos un bocadiño esquecido. Así pois, animo desde aquí a que haxa quen queira indagar no perfil histórico do noso entrañábel local, infelizmente fechado desde esta primavera. 

http://www.diariodeferrol.com/opinion/henrique-dacosta/ferrol-surrealista/20171129223455209822.html Ferrol, esa espiña cravada no máis fondo. A miña amadodiada cidade, velaquí está de novo. En todo estás e ti es todo. Ferrol é, unha vez máis, motivo das nosas coitas. Sempre haberá, no entanto, algunha luz que alume alá no cabo do túnel. Eis, pois, o meu artigo nesta ocasión para o Diario de Ferrol .

http://www.diariodeferrol.com/opinion/henrique-dacosta/boas-escollas-narrativas-embora-2017/20171115235941208868.html No artigo do 16 de novembro do Diario de Ferrol facemos unha pequena incursión en tres producións narrativas publicadas por Edicións Embora, que xulgamos de moito interese. Estamos tamén ás portas das vodas de prata da editora, por tanto, nun bon momento para felicitala e dar os parabéns por tan boa escolla. 

http://www.diariodeferrol.com/opinion/henrique-dacosta/cinema-en-galego/20171102003744207459.html No Diario de Ferrol do 2 de novembro, falo sobre cinema galego. A escusa perfecta deuma Brais Romero Suárez, despois da estupenda charla-coloquio á que puiden asistir no 19 de outubro. Cito algunhas das chaves da nosa filmografía, ás que fixo referencia o conferenciante, alén doutros aspectos relativos ao noso cinema. 

http://www.diariodeferrol.com/opinion/henrique-dacosta/escavacions-terras-biblicas/20171018231112205901.html  Neste artigo do Diario de Ferrol falo acerca dunhas novas escavacións arqueolóxicas da UDC, coordinadas por Juan Luis Montero Fernollós, agora en terras de Palestina. Falo tamén de como a Biblia, de xeito paralelo, é capaz de xogar aquí un papel relevante.

http://www.diariodeferrol.com/opinion/henrique-dacosta/alvaro-paradela-ser-xenial-polivalente/20171004224055204528.html No artigo do Diario de Ferrol do 5 de outubro rescato a figura do polifacético Álvaro Paradela/Amaro Orzán. O libro Diálogos con Álvaro Paradela. Ensaio, poesía e xornalismo , do amigo Germán Castro é, se cadra, unha bonita e interesante maneira de se achegar á vida e obra deste magnífico ser, médico de profesión e humanista. Así pois, quen quixer ampliar información sobre o creador do afortunado neoloxismo 'Ferrolterra' ou do de 'Breogania', recoméndolle vivamente a lectura do citado libro publicado polo Club de Prensa de Ferrol. 

http://www.diariodeferrol.com/opinion/henrique-dacosta/cataluna-of-course/20170920224548203116.html Como non podía ser doutra maneira, tiven que escribir sobre Cataluña. O título do artigo desta vez é <<Cataluña, "of course">>. Quen se pode subtraer, cando tanto está en xogo? Perdóeme o amigo Marco Neves se me apropiei de tan atinadas palabras (como as súas) para escribir esta miña pequena opinión. A propósito, despois dunhas aspas latinas ou francesas, na segunda liña do artigo da versión dixital, non aparece o texto, <<Espanha é a nação mais antiga de Europa!>>, cita pronunciada por Mariano Rajoy. 

http://www.diariodeferrol.com/opinion/henrique-dacosta/poetica-porto-leis-ultimo-alcalde-serantes/20170906233404201665.html Neste artigo do Diario de Ferrol detéñome a falar un bocadiño acerca de Alejandro Porto Leis, o último alcalde do que fora concello de Serantes, a partir de 1940 integrado no de Ferrol. Entre as súas facetas, destacamos tamén a poética. É moito o que aínda resta por dicir deste home singular, "paseado" na praia da Frouxeira en 1938, xuntamente con outros tres homes: Modesto del Río, de San Xurxo, Jesús Miño, da parroquia de Mandiá, e Avelino Landeira, da de Santa Mariña. Eis o artigo para quen o quixer. 

http://www.diariodeferrol.com/opinion/henrique-dacosta/terras-don-vito-corleone-montalbano/20170823210009200197.html A bela Sicilia é o motivo do artigo do Diario de Ferrol deste 24 de agosto. Dúas personaxes de ficción, don Vito Corleone e Silvo Montalbano, saídas da pluma de Mario Puzo e Andrea Camilleri respectivamente, son unha boa escusa con que argumentar un extenso periplo por terra sicilianas, de oeste para leste. Arte, historia, ocio, paisaxes, sociedade... dan fisonomía a este artigo, cuxa visión sobre tan fascinantes terras insulares servirá para abrir boca a aqueles que talvez non as coñezan, e un itinerario de sensacións, aínda que persoais e intransferíbeis, para aqueloutros que, coñecéndoas xa, poidan así contrastar coa súa propia experiencia . Velaquí volo deixo.   

http://www.diariodeferrol.com/opinion/henrique-dacosta/wenceslado-fernandez-florez-escritor-galego/20170812214954199092.html Foi realmente Wenceslao Fernández Flórez escritor en lingua galega? Dúas noveliñas en galego darían fe de que si. Canto hai de real e canto de impostado? De feito, A miña muller (1924) inauguraría a colección Lar, presidida por Leandro Carré. Esta é a razón destoutro artigo no Diario de Ferrol. 

http://www.diariodeferrol.com/opinion/henrique-dacosta/arqueoloxia-no-barbanza-outros/20170726225445197405.html As fontes arqueolóxicas están nos últimos tempos a brindarnos enormes satisfaccións no noso país. Non só a través de elementos da cultura castrexa ou romana, senón tamén dos xacementos como os da Cova de Eirós e outros que aínda nos han de deparar moitas sorpresas de aquí en adiante. De todo isto e algo máis falo neste artigo para o Diario de Ferrol. 

http://www.diariodeferrol.com/opinion/henrique-dacosta/mentres-hai-vida/20170712233030195896.html No día 13 de xullo publicabamos este artigo na nosa sección "La Ventana" do Diario de Ferrol . Unha pequena observación sobre a lingua de noso que , de xeito inexorábel, se nos vai indo por entre os dedos. Unha pequena homenaxe aos nosos vellos, sabios por idade e transmisores do pouco que nós podemos saber tamén e, especialmente a meu pai, que foi o indutor, de maneira totalmente inconsciente, que me deu pé para escribir este artigo. Outra volta máis, dirán vostedes, ao asunto da lingua. Así mesmo é, e non cansaremos. Outra volta, vista desde o plano lexical e gramatical, mais do plano sociolingüístico tamén. Eilo.  

http://www.diariodeferrol.com/opinion/henrique-dacosta/do-ttip-ao-ceta/20170628215034194458.html O TTIP (Transatlantic Trade and Investment Partnership) morreu desde o momento en que Trump tomou as rendas do goberno nos Estados Unidos. Mais na gabeta da UE gardábase un outro acordo, o CETA, de lucros transnacionais para unicamente holdings empresariais. Europa prégase aos intereses canadianos e introduce nas regras do xogo algo máis que bens de consumo. De todo isto falamos no artigo de hoxe do Diario de Ferrol.

http://www.diariodeferrol.com/opinion/henrique-dacosta/proposito-do-noso-himno/20170615001833193110.html Máis de século e cuarto despois de que o noso himno tomase pulo, o que debería ser a restitución íntegra e orixinal do seu texto continúa hoxe a suscitar non poucas controversias. Velaquí vos deixo con este artigo que quere ser, por un lado, unha reflexión a respecto desta discusión, e, por outro, unha pequena explicación histórica sobre a xénese dun dos nosos símbolos identitarios máis singulares.  

http://www.diariodeferrol.com/opinion/henrique-dacosta/menos-venecia-xesta-historica-terranova/20170531210205191538.html barco moliceiro no Museu Marítimo de Ílhavo teitos da capela na fábrica de Vista Alegre Déixovos por aquí o meu artigo do día 1 de xuño do Diario de Ferrol. Versa sobre a última viaxe feita a Portugal (na fin de semana). Viaxes estas que sempre acostuman ser do máis produtivas, sobre grafiti en Aveiro todo cando un vai acompañado de excelentes persoas, como son os amigos da Escola de Idiomas de Ferrol e, nomeadamente, que están a estudar portugués ou están con el relacionado. Eis, en defintiva, un pequeno resumo desta interesante convivencia.  bacallaus no acuario do Museu Marítimo de Ílhavo porcelanas modernas de Vista Alegre paseo polos canais de Aveiro nun barco moliceiro

http://www.diariodeferrol.com/opinion/henrique-dacosta/saqueo-das-arcas-do-estado/20170518001446190006.html O título do noso artigo do día 18 de maio para o Diario de Ferrol responde ao de "O saqueo das arcas do Estado". Acho que non precisa de máis presentacións. De modo que, a quen lle apetecer lelo, aquí llo deixo. 

http://www.diariodeferrol.com/opinion/henrique-dacosta/binomio-chamado-charles-chaplin-jackie-coogan/20170503232435188548.html A propósito do último dos cineconcertos celebrados no teatro Jofre de Ferrol, aquí vos deixo as miñas impresións sobre el. Simplemente, debo dicir que é o meu desexo que en próximos anos se sigan a repetir estes espléndidos ciclos que xuntan cinema silente coas mellores músicas. Nesta ocasión, o trío Caspervek, fundado en Vigo, unha delicia.