Letras para todo o sempre

  Selma Lagerlöf, primeira muller en obter o Nobel de Literatura, foi sufraxista, animalista e persoa concienciada co medio ambiente, excelente pedagoga e escritora de éxito. A marabillosa viaxe de Nils Holgersson , fiel mostra do que estamos a dicir, é unha narración fascinante, deliciosa, que non debemos deixar de ler, e moi apropiada para este tempo de Nadal. No meu #termardoleme do suplemento #Nordesía do #diariodeferrol deste pasado domingo.

  Palestina non podía deixar de aparecer no meu #termardoleme . O meu deber ético, quer como humano quer como escritor, así mo exixía. Velaquí a miña humilde achega sobre este horror. No suplemento #Nordesía do #diariodeferrol do domingo 10 de decembro.

Unha reflexión, so a escusa do Black Friday, acerca do sentido da utilidade das cousas. No meu #termardoleme do suplemento #Nordesía do #diariodeferrol do domingo 26 de novembro.

  Ritos precristiáns, tamén barcas de pedra, que se sincretizan co Cristianismo posterior para dar en fabulosas lendas e ritos, así como en peregrinacións, de se sacralizaren os sitios, é do que trata o artigo do día 12 de novembro. No meu #termardoleme do suplemento #Nordesía do #diariodeferrol .

  Os lindes xeográficos e arqueolóxicos están presentes no país de forma marcada. Prestar atención a eles, pasear con todos os sentidos en alerta, querer saber sobre a súa existencia é o mellor xeito, talvez, de coñecérmonos como pobo. No meu  #termardoleme  no suplemento  #Nordesía  do  #diariodeferrol . 

  No pasado 7 de outubro, o gran Xaquín Marín Formoso foi homenaxeado no teatro Jofre, con motivo do seu sexasésimo aniversario no mundo do humor. Arroupado por unha pléiade de humoristas e conducido por Quico Cadaval, resultou unha divertida e emotiva velada. No meu #termardoleme do suplemento #Nordesía do #diariodeferrol .

  Espectacular concerto o de Amancio Prada coa Real Filharharmonía de Galicia e o coro Cantigas e Agarimos en Compostela. Celebrábase o 50° aniversario do disco "Vida e morte". Para os "Seis poemas galegos" de Federico García Lorca concorreron a RFG e o coro xunto co berciano, non así na primeira parte do concerto, en que Amancio Prada tocou el só acompañado da guitarra. No meu #termardoleme do suplemento #Nordesía do #diariodeferrol do domingo 1 de outubro.