Letras para todo o sempre

#CretoGangá , de ascendencia ferrolá, destacou sobre todo no ámbito teatral, na comedia bufa , consolidou a figura do "galego", o cal, desde a platea, ría da súa propia condición. Carpentier , Neira Vilas , Padura ... eis algunhas das voces máis acreditadas. No meu #termardoleme do #DiariodeFerrol do domingo 21 de decembro.

Os apelidos forman parte da onomástica , disciplina filolóxica moi ligada á toponimia . Como naceron e para que, mais fixando a atención na singularidade dalgúns dos apelidos de #Trasancos , #Eume e #Ortegal , é o asunto tratado no meu #termardoleme do #DiariodeFerrol do domingo 7 de decembro.

No pasado 8 de novembro tiven ocasión de asistir ao IV Festival #BreaSon . Mondoñedo celebrou este fermosísimo evento (musical, cultural e doutras actividades participativas) que concita un público do máis diverso. Sempre é grato visitar Mondoñedo, patria de tantos seres bos e xenerosos, mesmo imaxinarios, pensando en Cunqueiro . Co desexo de que dure moitísimos outonos máis, viva o BreaSon!  

Ramón Otero Pedrayo publica en 1953 " O libro dos amigos ". Velaquí unha sentida homenaxe a aqueles que, dun ou doutro xeito, marcaron a súa traxectoria vital. Desde Eduardo Moreno López , o seu caro profesor, a Ánxel Ramos, alumno seu abatido na fronte de Aragón no 38. No meu #termardoleme do #DiariodeFerrol do domingo 11 de novembro.

  Entre 1925 e 1927, Rafael Dieste escribiu para El Pueblo Gallego unha serie de artigos que en 1981 serían editados en libro. O interese normativizador e normalizador da lingua, tamén o literario, a formación política e as estruturas socioeconómicas, o concepto da saudade , etc. son motivo da súa escrita. No meu #termardoleme do #DiariodeFerrol do domingo 26 de outubro.

  A última novela do cubano Leonardo Padura , cunha lingua que garda certas resonancias galegas, non está protagonizada desta vez por Mario Conde . Mais mergúllanos incisivo, como ten por costume, na actualidade cubana para profundar nas súas contradicións. No meu #termardoleme do #DiariodeFerrol do domingo 12 de outubro .

  O ollar atento paseando a cidade, a nosa cidade, capta aquilo que máis xeralmente pasa desapercibido. As marcas de canteiro , alén doutros elementos, algúns máis ornamentais que outros, conforman esta singular realidade. Sobre todo isto vai o meu #termardoleme do #DiariodeFerrol do domingo 28 de setembro.