Letras para todo o sempre

https://www.diariodeferrol.com/media/diariodeferrol/files/2019/04/21/nordesia-21-04-2019.pdf#page=7&zoom=page-fit,-325,977 No pasado 21 de abril escribiamos na nosa columna "Termar do leme", do suplemento Nordesía do DF, un artigo que quería ser unha reflexión acerca da impresión que nos causan as covas cársticas con respecto ás igrexas góticas.  Unha breve viaxe a León, coa visita á catedral, alén de ás Cuevas de Valporquero foron elementos chave que nos levaron a facer a inevitábel analoxía coa catedral de Notre Dame de París e a tremeda catástrofe desatada tras o seu incendio.   

https://www.diariodeferrol.com/media/diariodeferrol/files/2019/04/10/nordesia.pdf No domingo 7 de abril escribiamos na nosa columna do Nordesía, "Termar do leme", este artigo que tentaba facer unha reflexión, máis unha vez, acerca da nosa fraca memoria histórica. A entrevista que Julia Otero facía días antes a Carlos Hernández de Miguel sobre o libro que acababa de publicar, "Los campos de concentración de Franco", serviunos como detonante. Poucos días depois proxectárase na TVE o filme "El silencio de los Otros", documental galardoado nos premios Goya. Velaquí unha nova volta sobre a temática da represión, desaparición, infamia, escravos do franquismo, etc. que aínda hoxe temos silenciada. 

https://www.diariodeferrol.com/media/diariodeferrol/files/2019/03/24/nordesia-24-03-2019.pdf Xosé Neira Vilas deixounos en 2015. O seu extenso legado fai parte ineludíbel de nós, sobre todo desde que Balbino entrou nas nosas vidas. A narración Aquel neno é unha sorte de texto homenaxe a quen el, Xosé Neira Vilas, foi e tantos outros foron. O mundo transformouse desde aquela de maneira clara, pero hai algo de nós que debemos ás súas prosas. Sirva, pois, este artigo como modesta homenaxe para quen tanto supuxo no mundo das nosas letras, así como un repaso da nosa diáspora e de Cuba en particular.  

https://www.diariodeferrol.com/media/diariodeferrol/files/2019/03/10/nordesia-10-03-2019.pdf Hay-on-Way/Gelli Gandryll (Gales), libraría ao ar libre O mundo do libro esmorece? Lese menos dun tempo a esta parte? Finalmente, chegaron as editoras ao seu teito? Desaparecerán as librarías? Estas son algunhas das cuestións que se formulan neste artigo do suplemento Nordesía do Diario de Ferrol . Porque algo incerto está a acontecer, diso non hai dúbida, pero que en concreto? O mundo que se nos aveciña pouco ten a ver co duns poucos anos atrás. Por un lado, é un asunto que nos inquieta, polo outro, até é posíbel recoñecer que nos fascina. Estes son algúns dos temas abordados neste artigo.    Igrexa desacralizada de Santa María en Óbidos, hoxe libraría                    

https://www.diariodeferrol.com/media/diariodeferrol/files/2019/02/24/nordesia-24-02-2019.pdf   No pasado mes de setembro falabamos a través das páxinas do Nordesía acerca do cultivo tradicional das oliveiras en Galiza, claro que tan só nunhas determinadas zonas do noso territorio. Nestoutro artigo de agora son de novo dúas ocupacións e/ou traballos, igualmente adscritos a uns espazos moi restrinxidos de Galiza, mais que, así mesmo, están en transo de desaparición ou, se cadra, xa desaparecidos. Estamos a referirnos aos oficios de aureanas, ou buscadoras de ouro, practicado na comarca de Valdeorras e nas augas do río Sil; e ao de corticeiro, a persoa que descasca o tronco das sobreiras e tamén o pode transformar en cortizos, isto é, colmeas fabricadas con este material, tal e como acontece, ou acontecía, polas veigas dos ríos Arnego e Deza, en Agolada.   

https://www.diariodeferrol.com/media/diariodeferrol/files/2019/02/10/nordesia-10-02-2019.pdf?fbclid=IwAR1ejb68QKn_aQgIFHmxbSqqDRpWx-WnQf7gahgyAmANe6dH0O3mcG4yTFQ Interesante novela do escritor mexicano Álvaro Enrigue. Un territorio, A Apachería, e un contexto histórico en que se mide o ser, o existir dunha serie de comunidades, indíxenas dun lado, mexicanas e estadounidenses doutro, mesmo con incursións no pasado proto-mexicano en que o Imperio español se desmembraba. Isto e moito máis, pois  son   os conflitos dos diferentes personaxes que se debaten entre lealdade e deber, entre dignidade e claudicación outros dos aspectos notábeis da narración.

https://www.diariodeferrol.com/media/diariodeferrol/files/2019/01/27/nordesia.pdf Neste Nordesía do 27 de xaneiro, do Diario de Ferrol, quixen determe a falar un bocadiño a respecto dos topónimos que levan por nome Galegos e Galiza, e semellantes, que xorden por terras portuguesas e españolas, tentando indagar nos seus porqués. Eilo, se o quixerdes ler.